Листите на креатори се темелат на бројот на нови претплатници стекнати во секоја земја, со исклучување на музичари, брендови, медиумски куќи и детски канали, додека за секој креатор се зема предвид само еден канал на истата личност. Врз основа на овие критериуми, објавени се овогодинешните топ-листи што даваат пресек на дигиталните феномени.

Топ креатор 2025

MrBeast

Џими Доналдсон, попознат како MrBeast, е неприкосновениот лидер на „YouTube“.

Според „Forbes“, неговите приходи во последната година (од април 2024 до април 2025) изнесуваат 85 милиони долари. Неговите заработки доаѓаат од повеќе извори: сопствен „YouTube“ канал, „Amazon Prime“ шоуто "Beast Games" и неколку компании што самиот ги основа. И покрај огромната заработка, "MrBeast" тврди дека речиси сè реинвестира во содржина и дека не е "трошач".

Целата листа изгледа вака:

1. MrBeast

2. CaylusBlox

3. IShowSpeed

4. Double Date

5. Cadel and Mia

6. Charlie Kirk

7. Law by Mike

8. CoryxKenshin

9. Zack D. Films

10. Outdoor Boys

Топ песна 2025

Bruno Mars, Lady Gaga – Die With A Smile

"Die With A Smile" е дует на американските поп-ѕвезди Лејди Гага и Бруно Марс, објавен на 16 август 2024 година за издавачката куќа „Interscope Records“.

Песната настанала спонтано: Марс ја поканил Гага во своето студио во Малибу за да ѝ покаже песна на која работел — а таа била толку воодушевена, што истиот ден ја довршиле песната заедно со продуцентот Ендру Вот. Во креативниот процес учествувале и продуцентот Дернст Д'Мил Емил Втори и текстописецот Џејмс Фантлерој.

Целата листа изгледа вака:

1. Bruno Mars, Lady Gaga – Die With A Smile

2. Rosé, Bruno Mars – APT.

3. HUNTR/X (KPop Demon Hunters Cast) – Golden

4. Saja Boys (KPop Demon Hunters Cast) – Soda Pop

5. Saja Boys (KPop Demon Hunters Cast) – Your Idol

6. Victor Valverde, Jr Torres – El Mayor de los Ranas

7. HUNTR/X (KPop Demon Hunters Cast) – How It’s Done

8. Alex Warren – Ordinary

9. Kendrick Lamar, SZA – Luther

10. Kendrick Lamar – tv off

Топ песни на „Shorts“ 2025

Forrest Frank – YOUR WAY’S BETTER

Форест Френк оваа година стана едно од најпрепознатливите имиња на „YouTube Shorts“ благодарение на песната "YOUR WAY’S BETTER", која се претвори во масивен вирален тренд. Песната стана дел од илјадници кратки видеа — од влогови и мотивациски клипови до "lifestyle" содржини — и се претвори во еден од најкористените и најпрепознатливи звуци на платформата.

Целата листа изгледа вака:

1. Forrest Frank – YOUR WAY’S BETTER

2. ATLXS – Passo Bem Solto (Slowed)

3. Black Eyed Peas – Rock That Body

4. Connie Francis – Pretty Little Baby

5. Joyful – Chess

6. Doechii – Anxiety

7. Skrilla – Doot Doot (6 7)

8. Saja Boys (KPop Demon Hunters Cast) – Soda Pop

9. Jiandro (feat. ola.wav) – Confess your love

10. Billie Eilish – Ocean Eyes

Топ трендинг теми 2025

"Squid Game"

Серијата "Squid Game", чија прва сезона излезе во 2021, а втората во 2024 година, и во 2025 остана една од најистакнатите теми на „YouTube“. Како глобален феномен на „Netflix“, продолжи да привлекува внимание преку реакции, дискусии и анализи што постојано кружат на платформата.

Покрај официјалните исечоци и анализи на епизоди, заедницата создаваше огромен број сопствена содржина — од gaming видеа инспирирани од игрите во серијата до мимови и кратки коментари — поради што "Squid Game" остана една од најпребаруваните и највлијателни теми во текот на целата година.

Целата листа изгледа вака:

1. Squid Game

2. User-Generated Roblox Experiences: Grow A Garden, Dandy’s World, Forsaken, Steal A Brainrot

3. KPop Demon Hunters

4. Brainrot

5. Charlie Kirk

6. Labubu

7. Nintendo Switch 2

8. Cookie Run Kingdom

9. Blue Lock

10. KATSEYE

Топ поткасти 2025

"The Joe Rogan Experience"

Поткастот "The Joe Rogan Experience" веќе години ја држи титулата за најслушан на „YouTube“, а и во 2025 повторно се најде на врвот на листата. Џо Роган е познат по долги, неформални разговори со гости од сите области — од научници и актери до политички коментатори и јавни личности.

Меѓу неговите најгледани епизоди се разговорите со Доналд Трамп и Елон Маск, кои станаа глобални вирусни хитови, а Роган угости и бројни други контроверзни фигури што привлекоа големо внимание од публиката. Препознатливиот формат со отворен разговор и разновидните теми го направија "The Joe Rogan Experience" еден од највлијателните поткасти во светот.

Целата листа изгледа вака:

1. The Joe Rogan Experience

2. KILL TONY

3. Good Mythical Morning

4. Rotten Mango

5. The MeidasTouch Podcast

6. 48 Hours

7. Shawn Ryan Show

8. Smosh Reads Reddit Stories

9. This Past Weekend w/ Theo Von

10. The Diary Of A CEO