Дваесет и шестгодишната ѕвезда изгледала потполно непрепознатливо во волнениот костим именет изглед на лицето.

Враќање во темниот среден век

Дејството на филмот „Werwulf“ е сместено во Англија во 13 век, а режисерот Роберт Егерс познат по историски прецизните хорори и трилери како „Вештерка“, „Северњак“, „Светилникот“ и овој пат остана верен на својот стил. Според „The Hollywood Reporter“, сценариото содржи дијалози автентични за тој период, вклучувајќи преводи и белешки за оние кои не се запознаени со староанглискиот јазик.

„Werwulf“ ја означува втората последователна соработка на Деп и Егерс, а актерската екипа ја сочинуваат и други добро познати лица од претходниот заеднички проект – филмот „Носферату“. Во филмот глумат Арон Тејлор Џонсон и Вилем Дафо кои на снимањето биле забележани со густи бради како и Ралф Инесон и Сајмон Мекберни.

Идни проекти

Покрај „Werwulf“, Деп ја очекуваат уште неколку филмски проекти. Како што пренесе „Deadline“ таа ќе глуми и во филмот „Alpha Gang“ со ѕвезди како Крис Пајн, Кејт Бланшет, Леа Сејду и Дејв Баутиста.

Во мај истиот портал објави дека Деп ќе глуми заедно со Џејкоб Елорди во филмската адаптација на романот на Кормак Мекарти од 1968 година, „Outer Dark“ опишан како „темна бајка“. Премиерата на филмот „Werwulf“ се очекува на 25 декември 2026 година.