На вечните бели плажи на Малдиви, таму каде што денот мириса на море, а ноќта свети како од друга галаксија, скопскиот бизнисмен Емил Угриновски и неговата сакана Андреа Ангелевска го доживеаја моментот што ќе го паметат цел живот.
Додека романтичниот залез ја бои хоризонталата во златни и розови нијанси, Угриновски одлучил токму тука, на ова парче земја што изгледа како да не е од овој свет - да направи чекор што ја менува приказната на двајца вљубени.
Во атмосфера што потсетува на филмска сцена, со свеќи во песокот, приватна вечера на плажа и тивко шумолење на брановите, тој клекна пред Андреа. Нејзиниот изненаден поглед, треперливата насмевка и топлите очи ја раскажаа приказната пред да се изговорат зборовите. А кога конечно кажа „Да“ - романтиката се претвори во чиста магија.
На социјалните мрежи го споделија моментот со кратка, но силна порака: „Вечното почнува сега“.
И навистина, за нив, тоа „вечно“ започна токму таму, на блескавиот бел песок, под небо полно со ѕвезди и во прегратка со љубовта.
Оние што ги познаваат велат дека нивниот однос отсекогаш зрачел со топлина и искреност, два карактери што се надополнуваат, два темпераменти што се разбираат без многу зборови. Од првата средба до ова малдивско „да“, нивната приказна ткае емоции, доверба и зрелост.
Иако познат по својата деловна страна, Емил со овој гест покажа нешто што бројките никогаш не можат да го доловат - длабоката, човечка потреба да се сподели животот со вистинската личност.
А Андреа? Нејзината насмевка на фотографиите кажува доволно: спокој, радост и љубов што не може да се сокрие.
Додека чекорат по малдивскиот песок, а брановите го милуваат прстенот што блеска на нејзината рака, едно е сигурно: ова не е само романтична приказна, туку почеток на ново поглавје - заедничко, нежно и полно со ветувања.
И да, навистина… вечното почнува сега.
Автор: Ц.Н.
