Списанието „Тајм Аут“ објави кратка листа на најатрактивни зимски дестинации за кратки градски патувања, а на самиот врв се најде град во Грција, кој го опишуваат како неправедно запоставена туристичка опција во зимскиот период.
Зимата пристигна, носејќи го со себе времето кога многумина би останале во кревет под топло ќебе. Меѓутоа, доколку сте подготвени да излезете надвор, ќе откриете дека дури и краток зимски одмор може да биде вистински избор, пренесува „Danas.rs“.
Освен што можете да избегате од божиќниот метеж и да имате нешто на што ќе се радувате, постои и уште една предност: можете да посетите некои од најпознатите европски градови без толпите туристи кои ви се туркаат на патот.
Грчката престолнина Атина е позната како летна дестинација со температури кои достигнуваат 40 степени Целзиусови, но „Тајм Аут“ пишува дека градот всушност е многу попријатен во овој дел од годината.
Џон Ованс од „Тајм Аут“ толку многу се вљубил во Атина во текот на зимата, што минатата година одлучил таму да ја помине целата сезона. Според неговите зборови, „градот никогаш не паѓа во целосна хибернација“, што значи дека има многу што да се прави од септември до март.
Ованс верува дека Атина би можела да „ја преземе круната на Лисабон“ како водечка европска дестинација за дигитални номади, благодарение на ниските трошоци за живот, топлиот начин на живот и интересната, малку сурова елеганција.
Времето е изненадувачки пријатно, со температури кои достигнуваат до 20 степени за време на убав зимски ден.
Втората најпотценета зимска дестинација за одмор на листата е Венеција. Овој град е познат по големата гужва, но ако го испланирате патувањето во јануари или февруари, атмосферата е многу порелаксирана.
Мадрид е на третото место. Во суштина, ако сакате одмор без борба со други туристи за топло чоколадо во центарот на градот, ова е вистинското место за вас.
