Ѕвездата на Денвер Нагетс, Никола Јокиќ го одигра најдобриот и најефикасниот меч во оваа сезона во НБА лигата и тоа на гостувањето кај Лос Анџелес Клиперс каде уфрли 55 поени, плус собра 12 скока, запиша 6 асистенции и по 1 блокада и украдена топка.
Јокиќ беше незадржлив и стана само четвртиот играч во историјата на НБА кој постигнал 55 поени со успешност на шут од 78 проценти.
Тој постигна повеќе поени од комплетната стартна петорка на Клиперс, а интересен коментар за тоа каква била тактиката на домаќините даде тренерот Тајрон Лу.
- Нашиот план за игра беше да му дозволиме да поентира, но да го спречиме да разигрува и да асистира… Не мислев дека ќе постигне 55 поени, - истакна Лу.
Tyronn Lue: on Jokic’s big night: "Our gameplan was to make him score... I didn't think he would score 55."
— MrBuckBuck (@MrBuckBuckNBA) November 13, 2025
Via: https://t.co/ujwjqDW4Q6 pic.twitter.com/u8MOvAEsyi
