Поразот на Србија од Албанија на домашен терен и натаму е топ тема кај нашиот северен сосед, а оставката на селекторот Драган Стојковиќ доаѓа во момент кога неговата репрезентација има само теоретски шанси да се бори за место во баражот.
Популарниот Пикси и досега добиваше многу критики, па поразот во балканското дерби не му остави простор за задржување на позицијата, па по дуелот во Лесковац веднаш им понудил оставка на одговорните во сојузот и најави дека нема да патува со репрезентацијата во Андора.
Развојот на настаните го испровоцираа и Веселин Вујовиќ, па ракометната легенда испрати остри критики на сметка на досегашниот селектор.
– Великомаченикот Стојковиќ изјави дека е одговорен човек и дека ја понудил својата оставка на водечките луѓе на федерацијата. На кои луѓе? На оние што требаше да поднесат оставка пред него, на оние што не го назначиле.
– Оставката не се нуди, туку се дава. Но, немаш храброст ни за тоа, маченику. Го постигна невозможното – да излезеш од друштвото на легендите, и тоа на каков начин.
– Го контролираш градот, стадионот, гледачите. Ја носите репрезентацијата да игра во Лесковац, на таков терен, бидејќи не ви е дозволено да се појавувате никаде на друго место. Го намалуваш тонот за да не може народот да чуе што се скандира, а истите овие луѓе, кои ги донесовте и ги плативте, го изразуваат мислењето и незадоволството на цела Србија, – истакнал Вујовиќ.
