Сè уште не се познати сите детали, но според „TMZ“, неговото срце застанало во петок наутро.
Во петок наутро, на само 40 години, почина Артур Џонс – поранешна ѕвезда на „NFL“ и брат на легендарниот ММА борец Џон Џонс.
Иако причините сè уште не се целосно познати, порталот „TMZ“ објави дека на Џоунс му застанало срцето во петок наутро, откако му се активирал дефибрилаторот. Повикал брза помош, но лекарите не успеале да го реанимираат.
We are terribly saddened to learn of Arthur Jones’ sudden passing. pic.twitter.com/waPIF3Bj7K
— Baltimore Ravens (@Ravens) October 3, 2025
Џонс – освојувач на „Super Bowl“ во 2013 година – настапуваше за тимовите на „Baltimore Ravens“, „Indianapolis Colts“ и „Washington Commanders“ во текот на својата седумгодишна кариера во „NFL“.
„Присуството на Артур беше дар за сите кои имаа среќа да го запознаат“, соопштија од клубот „Ravens“. „Неговата голема, блескава насмевка, заразната енергија и вечната позитивност создаваа атмосфера што ги издигнуваше сите околу него.“
Џонс доаѓа од исклучително спортско семејство. Неговиот брат Џон Џонс е еден од најдобрите „UFC“ борци во историјата, додека третиот брат, Чендлер Џонс, исто така играше во „NFL“ цели 11 сезони, бранејќи ги боите на „New England Patriots“, „Arizona Cardinals“ и „Las Vegas Raiders“.
