Гравот е едно од оние јадења што сите ги сакаме, но ретко го има вкусот како од кафеаните. Истиот има посебен шмек, длабочина на вкус, мирис што не се заборава, а тука доаѓаме до трикот што менува сè.

Која е тајната на кафеанскиот грав?

Повеќето готвачи користат димена пиперка - не обична, туку благо лута, димена што му дава на гравот длабочина и мирис како да се варел на шопрет на дрва. Се додава кон крајот на готвењето, заедно со малку маст или масло во кое се пропржува лукот.

Уште еден трик: водата во која се варело дименото месо

Ако користите димено месо, не истурајте ја водата во која се готвело. Додадете ја во гравот - тоа е она што му дава „кафеански“ шмек.

Бонус совет: не брзајте

Гравот не сака брзање. Најдобар е кога се готви бавно, на тивок оган и кога стои најмалку еден час пред сервирање.