Сепак, постои оправдана загриженост поради тоа што батеријата, која може да тежи неколку стотици килограми, при брзо исфрлање би можела сериозно да повреди некого.
Кинескиот Центар за истражување и поправка на возила по судари и компанијата „Joyson Electronics“ открија многу необично решение за сериозен проблем. На кинескиот модел „iCar 03“ беше демонстрирана нова технологија што овозможува високо-напонската батерија на возилото да се исфрли на оддалеченост од три до шест метри во рок од само една секунда по детекција на пожар во батеријата.
Системот функционира со помош на гасен пиротехнички механизам, сличен на оној кај воздушните перничиња, со идеја батеријата да се оддалечи од патниците пред самиот автомобил да се запали, пишува „Revijahak“.
Во демонстрациското видео може да се види целиот процес. Сепак, останува загриженоста дека батеријата, која тежи неколку стотици килограми, при нагло исфрлање би можела да предизвика тешки повреди, како и сериозни штети во сообраќајот или врз животната средина.
Можно е, доколку оваа технологија навистина влезе во производство, таа да биде проследена со камери и радари за да се обезбеди батеријата да не биде исфрлена со голема брзина кон пешаци или возила во близина.
