Објавени се првите фотографии од кинескиот луксузен "SUV" кој неверојатно потсетува на „Rolls-Royce Cullinan“.
Кинеската технолошка компанија „Dreame“, позната по производството на правосмукалки, го претстави својот прв луксузен "SUV" кој со дизајнот многу наликува на британскиот оригинал „Rolls-Royce Cullinan“.
Моделот со масивна предна маска, задни врати што се отвораат наназад и луксузни седишта во кабината јасно ја открива инспирацијата со прочуениот британски бренд.
За сега е познато дека "SUV" моделот ќе користи батерија со капацитет од 100 kWh со опција за продолжување на автономијата и четири независни електромотори.
Адаптивна суспензија, вртење на задните тркала до 24 степени, како и примена на лидар и радар се дел од најавените технологии.
„Dreame“ планира моделот да пристигне на пазарот во 2027 година, а паралелно работи и на луксузна лимузина инспирирана од „Bugatti“.
Компанијата наведува дека возилата ги развива во Европа, а производството ќе биде поврзано со локацијата на „Tesla“ во Берлин.
Извесно е дека „Dreame“ агресивно влегува на пазарот на луксузни автомобили, и тоа преку модели кои воопшто не кријат колку должат на дизајнерската инспирација од најголемите светски марки.
Повеќе технички детали се очекуваат наскоро.
