Фермин Лопез го дочека на земја последниот судиски свиреж на вчерашниот натпревар против Хетафе и го вклучи алармот кај медицинскиот тим на Барселона, а поради тоа што стануваше збор за повреда на специфично место, се стравуваше и од најлошо можно сценарио.
За среќа, каталонскиот великан попладнево објави дека е избегнато најлошото сценарио и дека Фермин избегал потешка мускулна повреда на препоните, па наместо три месеци, предвидувањата се да паузира околу три седмици.
Ова секако е поволна вест со оглед на стравувањата кои беа присутни во Каталонија, но од друга страна, информацијата не е баш така добра кога е во прашање Гави.
🚨 𝐂𝐎𝐌𝐔𝐍𝐈𝐂𝐀𝐃𝐎 𝐌𝐄́𝐃𝐈𝐂𝐎 🚨
— FC Barcelona (@FCBarcelona_es) September 22, 2025
El jugador 𝐅𝐞𝐫𝐦𝐢́𝐧 𝐋𝐨́𝐩𝐞𝐳 presenta una lesión muscular en el psoas ilíaco izquierdo. El tiempo de baja será de unas tres semanas. pic.twitter.com/wXluXXRlHJ
Играчот за врска трета недела по ред применуваше конзервативен третман и се обидуваше да го реши проблемот со своето оперирано колено, но откако не забележал напредок каков што посакува, едногласно со клубот е донесена одлука да оди на операција.
Гави ќе подлегне на артроскопски зафат за да се види тежината на повредата на менискусот, а по санирање на истата, Барселона ќе излезе со ново соопштение за паузата која ќе биде потребна да се направи.
