[ВИДЕО] Левата нога на Меси е магична: Неверојатно „банана“ додавање и два погодоци за победа на Интер Мајами

Големата фудбалска ѕвезда значително влијаеше врз публицитетот на МЛС лигата во изминатите две години и прерасна во најголема ѕвезда, а како играч со таков статус, се најде во центарот на вниманието и рано утрово.

Интер Мајами го победи Ди-Си Јунајтед до 3:2, а креатор на победата беше извонредниот аргентински мајстор, кој уште еднаш покажа дека поседува магија во левата нога.

Меси го отвори натпреварот со спектакуларно „банана“ додавање и му асистираше на Алејнде за водство од 1:0, а откако Ди-Си се врати во игра, Лео решаваше и со два погодоци.

Аргентинецот на двапати погоди во второто полувреме и го реши прашањето околу победникот, па гостите во самиот финиш постигнаа уште еден гол за конечни 3:2.