Големата воена парада „Моќта на единството 2025“ започна во 11 часот пред Палатата на Србија во Белград.
На парадата учествуваат повеќе од 10.000 припадници на српските вооружени сили, како и 70 различни авиони, 600 борбени возила и околу 20 пловила.
На парадата присуствува претседателот и врховен командант на српските вооружени сили, Александар Вучиќ, како и голем број гости од целиот свет.
Претседателот Александар Вучиќ ги покани сите граѓани на парадата и рече дека никој во светот не може да ја прегази Србија.
– Нашата парада е демонстрација на нашата сила како средство за одвраќање на секој потенцијален агресор. Ние не напаѓаме никого, нема да напаѓаме, не сакаме. Сакаме мир и само сакаме да го зачуваме нашиот мир, а не можеме да го зачуваме нашиот мир со тоа што сме слаби. Не можете да ја зачувате стабилноста, безбедноста и мирот со слабост. Тие се зачувуваат со сила. За нас, тоа е начин да преживееме – изјави претходно Вучиќ.
