Арнолд Шварценегер одлучил конечно јавно да проговори за својот развод од Марија Шрајвер во текот на церемонијата на „Холивудската патека на славните“ каде го поддржал новинарот Крис Валес.

Легендарниот актер и поранешен гувернер на Калифорнија, денес 78-годишен човек, не ја пропуштил можноста низ насмевка да сподели и една лична приказна.

Говорејќи за тоа како е да се биде во брак со новинарка, Арнолд се пошегувал:

„Причината поради која знам дека тој е неверојатен новинар е во тоа што за новинарите знам многу. Ме интервјуирале многу. А, бев во брак само со една. Разликата меѓу Крис и Марија е во тоа што Крис никогаш не зеде половина од моите пари“.

Марија Шрајвер поднела барање за развод во мај 2011 година, после 35 години брак. Во заедничко соопштение тогаш нагласиле дека и натаму заедно ќе ги одгледуваат своите деца:

„Нашите деца се светлина и центар на нашите животи“.

Афера која сменила сѐ

До развод дошло откако беше откриено дека Арнолд има афера со домашната помошничка од која е роден нивниот син Џозеф Баен. Шварценегер и Марија заедно имаат четири деца, а тој во едно интервју признал дека таа ситуација му била тешка:

„Беше тешко за моите деца за семејството, за сите. Се случи и моравме да најдеме начин да продолжиме понатаму“.

Додал дека неговиот син Џозеф е прекрасно момче и дека целосно ја разбира ситуацијата.