По неколку тестирања под најголемите строги правила и формалности, кинеските власти официјално ја одобрија дозволата за отворање на мостот којшто воедно ќе стане и највисок на светот.
Мостот Големиот Кањон Хуаџијанг во југозападниот регион Гуижоу, се издигнува на неверојатни 625 метри над земјата, што го прави речиси двојно повисок од Ајфеловата кула.
Провинцијата Гуижоу е планинско подрачје во Кина, со сложен терен. Мостот преминува преку драматичниот Голем кањон којшто се нарекува и „земјина пукнатина“.
Кина ширум земјата настојува да ја подобри инфраструктурата, особено во релативно неразвиените подрачја како што е Гуижоу кое се наоѓа на 1.287 километри западно од градот Шенжен.
Мостот е долг речиси три километри, а неговата тежина изнесува над 22.000 тони.
Пред три седмици, инженерите спровеле и тест за динамично оптоварување користејќи конвој од 16 камиони од кои секој тежи по 30 тони.
China has built the tallest bridge in the world
— NEXTA (@nexta_tv) September 15, 2025
A massive structure was laid across the Huajiang Canyon, standing 625 meters high and nearly 3 kilometers long — twice the height of the Eiffel Tower.
To prove its reliability, 96 trucks with a total weight of 3,360 tons drove… pic.twitter.com/3douxjAYMN
„Пробното испитување беше спроведено за да се проверат перформансите на мостот под оптоварувачки тешки возила и да се обезбеди неговата структурна стабилност пред да се отвори за јавноста. Тестот означува еден од последните чекори пред мостот да стане оперативен“, навеле изведувачите на работата.
Денес
