Популарната македонска рок-ѕвезда, пејачката Дани Димитровска се омажи за својот долгогодишен партнер Горан Веселиновски – Весел.
По долги години љубовна врска, парот одлучи да ја круниса среќата со брак, а тоа го направил на интимна церемонија.
Веста за венчавката на Дани ја објави пејачката на Инстаграм стори, објавувајќи две фотографии, една со нивните деца, а другата сама покрај некогашниот кошаркар, а сега директор на КК „Работнички“.
Од објавените фотографии видно е дека парот е пресреќен и ужива во својата љубов, заедно со нивните деца – синот на Дани, Лазар којшто го добила на 21 година и ќерката на Горан од првиот брак.
Невестата Дани избрала да носи бели панталони кои ги комбинирала со бела ролка без ракави и со карнери, додека пак нејзиниот избраник Горан носел бела кошула.
Инаку, ова е втор брак на Дани која првпат се омажи на само 20 години.
Тимот на „Точка“ им посакува долги години љубов, разбирање и хармонија и моменти исполнети со радост и сплотеност.
