Со доаѓањето на есента модниот свет прима нови димензии, се враќаме кон класичните монохроматски комбинации, но и откриваме начини на кои боите можат да го издигнат нашиот стил на повисоко ниво.

Во тоа враќање на класиците, неутралните нијанси ја покажуваат својата вистинска моќ, тие наједноставни комбинации кои се претвораат во луксузни, а гардероберот го претвораат во вечна капсула.

Сепак, есента не е резервирана само за класика. Таа е и вистинско време да покажеме умешност во комбинирањето, низ слоевитоста и играта на текстурите да внесеме креативност и карактер во секојдневниот изглед. Без оглед на тоа дали бираме сведени кроеви или драматични модни искази, вистинскиот избор на бои ќе направи нашиот стил да изгледа отмено и безвременско.

И како круна на секоја модна комбинација е изборот на добар мантил или капут.

Што се однесува до боите, ќе доминираат земјените тонови како – коњак, темнопортокалова, маслинеста, петролеј и темносина. Тоа се нијансите кои оставаат навистина добар впечаток.

Зошто баш овие бои?

Земјените тонови имаат единствена моќ, ја спојуваат елеганцијата и топлината, па без оглед на тоа дали се носат на работа, на вечера или на забава секогаш изгледаат отмено.