Милош Самарџија е популарен хрватски блогер кој живее и работи во Канада како професионален возач на камион. Неговите видеа на Јутјуб привлекуваат големо внимание и има 114 илјади претплатници.
Во едно од своите видеа, Милош ја открива убавината на Охрид и остана воодушевен од тоа што го доживеа покрај Охридското Езеро. Според него, мирот и чистотата на езерото создаваат искуство кое лесно може да се спореди со најпопуларните морски дестинации.
Во своето видео, Милош зборува за комбинацијата на природата и културното наследство на градот. Стариот град, камените улици и историските споменици создаваат уникатна атмосфера која го прави Охрид посебен. Според блогерот, секој агол од градот нуди можност за прекрасна фотографија или за мирен момент покрај брег.
Тие ги пробале и македонските специјалитети, а особено му се допаднала шопската салата, која, според него, е најубавата што ја пробал.
Тој, исто така, го споделил и доживувањето од возењето низ тесните улици на градот, кое го опиша како предизвикувачко, но возбудливо. Погледите кон езерото, заедно со мирисот на свеж воздух и звуците на природата, според него, ја прават секоја прошетка вредна.
Милош ги сподели своите впечатоци и од градот и охридското крајбрежје, истакнувајќи дека Охридското езеро е премногу убаво. Тој беше воодушевен и од хигиената и атмосферата, испраќајќи порака дека Македонија има места кои се вредни за посета. Она што е интересно е дека тој одлично чита македонски.
Охридското Езеро, како што вели Милош, не е само место за релаксација. Тој го оцени како идеална локација за активности на отворено – од пливање и едрење до едноставни прошетки покрај водата. Спојот на природна убавина, култура и можности за активен одмор го прави езерото уникатно.
За туристите кои бараат нови дестинации, впечатоците на Милош се вистинска инспирација. Охрид нуди повеќе од обично летување – тоа е место каде природата и историјата се спојуваат за незаборавно доживување.
