Стартот на новата натпреварувачка сезона во Премиер лигата носи голема возбуда меѓу фудбалските фанови, но и меѓу познатите експерти и аналитичари кои веќе на големо го најавуваа премиерното коло.
Сезоната ќе биде отворена со пресметка меѓу Ливерпул и Борнмут на „Енфилд Роуд“ оваа вечер, а во пресрет на овој натпревар, Карагер излезе со интересен заклучок за еден потег кој беше повлечен во овој преоден рок.
Легендарниот стопер е убеден дека Микел Артета вмешал прсти во пропаднатиот трансфер на Ливерпул пред една година, или поточно, му го „украл“ планираното засилување од Шпанија.
– Сега сум убеден дека Артета го „украде“ Мартин Зубименди од Ливерпул. Тој имаше договорено сè за да пристигне во Ливерпул минатото лето, а потоа последниот ден порача дека ќе остане уште една година во Реал Сосиедад.
– Артета е од Баскија и сега немам сомнежи дека вмешал прсти во оваа зделка. Сигурен сум дека му се јавил со зборовите: Оваа година го добивме Мерино, ќе дојдеме по тебе наредната сезона!
– Сега сум сигурен дека Артета ја стопираше оваа операција на Ливерпул, мислам дека тој влегол во неговата глава и дека ја изменаџирал ситуацијата во своја полза, – вели Карагер.
