„DS Automobiles“ работи на новиот „DS7“, а овој целосно нов модел за првпат беше забележан за време на тестирање одблизу.
Се очекува да биде претставен следната година, новиот „DS7“ ќе изгледа сосема поинаку од сегашниот модел, а судејќи според овие шпионски фотографии објавени од „CarScoops“, би требало да биде уште подобар.
Овој маскиран прототип неодамна беше фотографиран во Франција, и нема сомнеж дека станува збор за SUV на францускиот бренд. Како и другите актуелни модели на „DS“, има тенки „LED“ фарови, од кои секој вклучува шест суптилни „LED“ дневни светла („DRL“). Сепак, ова нема да бидат единствените светла напред.
Ако подобро погледнете, ќе забележите уште две мали „LED“ светла што се протегаат вертикално долж предната маска, позиционирани само неколкупод фаровите. Овие светла главно беа покриени со камуфлажа, но, како и кај „DS N°8“, се очекува да се поврзуваат со основата на фаровите и да се спуштаат кон надворешните агли на предниот браник.
Инженерите на „DS“ подеднакво добро ги сокрија клучните детали од дизајнот на задниот дел од новиот „DS7“. Може да се види мал дел од задните „LED“ светла, кои најверојатно ќе имаат слична форма како оние на „N°8“, иако модифицирани за употреба со овој SUV. Овој прототип, исто така, нема видливи издувни цевки, и за тоа постои добра причина: тој е целосно електричен.
Не е познато дали овој модел ќе биде достапен само во „EV“ варијанта, но веројатно би било паметно да се понудат и мотори со внатрешно согорување („SUS“), со оглед на бавниот раст на продажбата на електрични возила на повеќето големи пазари.
Целосно електричните модели би можеле да ги позајмат батериите и електромоторите од останатите членови на семејството „Stellantis“. Батериите од 73 kWh и 98 kWh што се наоѓаат во „Peugeot E-3008“ и „E-5008“ се најверојатните опции, како и модел со погон на предните тркала од 207 КС и верзија со два мотора и погон на сите тркала од 316 КС.
