Тиктокерката „@beccastravel“ сподели видео од авион додека слетувала во Лас Вегас. На снимката се гледа уредно распоредена населба, со куќи и улици подредени во совршени квадрати, опкружена со огромна пустина. „Летам за Вегас и сфаќам дека е целосно опкружен со пустина“, напишала таа.

„Изгледа како чип од лаптоп“

Многу корисници на „TikTok“ останаа збунети. Некои тврдеа дека тоа воопшто не е Лас Вегас. Но, станува збор за предградие на јужниот раб на Лас Вегас, кое визуелно изгледа целосно одвоено од градот, како населбата да завршува на една улица и да преминува во празна пустина. „Многу е чудно како сè завршува на една улица. Замислете тоа да ви е двор“, додала авторката на видеото.

Коментарите под снимката само потврдија колку е збунувачка оваа глетка. „Изгледа како компјутерски чип“, „Ова е буквално матична плоча од лаптоп“, „Изгледа како симулација“, „Не можам да верувам дека е Вегас“, „Буквално го снимивте крајот на Лас Вегас“, и пишувале.

Инаку, Лас Вегас е град изграден сред пустината Мохаве, во сојузната држава Невада. Окружен со сув, карпест предел и високи температури, овој град познат по луксуз, казина и ноќен живот буквално никнал од ништо. Се развил на почетокот на 20. век благодарение на развојот на железницата, а вистински процут доживеал по легализацијата на коцкањето во 1931 година. Денес е една од најпознатите туристички дестинации во светот.

Неверојатна глетка

Ова не е првпат луѓето да се изненадат од изгледот на работ на Лас Вегас. Уште порано, корисничката на „TikTok“ „@yourfaveazn“ (вистинско име Кристал Војтович) покажа како изгледа нејзиниот двор: висок ѕид, а зад него нема ништо освен гола пустина.

За многумина, оваа глетка беше „морничава“, а видеото брзо стана вирално.