Една гледачка која уживала во тенисот на Вимблдон била критикувана откако решила да го бојкотира класичниот сос за јагоди, односно познатата вимблдонска комбинација – јагоди и шлаг.
Гледачката Клара Џенингс предизвика бројни коментари поради нејзиниот избор на сос за јагоди.
Имено, секоја година илјадници луѓе уживаат во јагодите со шлаг додека најдобрите тенисери во светот се борат за освојување трофеј на Вимблдон. Сепак, оваа гледачка решила да го „бојкотира“ тоа.
Се проценува дека за време на турнирот се консумираат околу 200.000 порции од оваа летна закуска, со дури 1,9 милиони јагоди, што е вкупно 38,4 тони и над 7.000 литри сос од семејната фарма во Кент.
Сепак, Британците честопати сакаат да стават свој личен печат на одредени деликатеси, а Клара токму тоа и го направила. Иако е смешно да се каже дека овој потег предизвика шок кај присутните, тоа е вистина.
Имено таа решила целосно да го отфрли стандардниот сос и наместо тоа се одлучила за сос од лук и зачини.
Клара Џенингс од Гилфорд потопила јагоди во сосот, кој често се служи со пица од Доминос.
„Секој сака класичен сос, јас посакав нешто поинакво“, рече Џенингс и додаде: „Беше лекомислена шега. Слатко, солено и малку чудно… Но, функционира, може да се јаде“.
„Решив да го направам овој чекор за да се насмеам себеси и присутните, но искрено, на луѓето им се допадна. Мислам дека иницирав нешто.“
Додека Клара уживала во невообичаениот избор на сос, некои биле целосно збунети од нејзиниот избор.
„Морав двапати да погледнам каков сос држи и мислам дека е доста одвратно“, изјавила една од присутните, пред да додаде:
„Јагодите и шлагот се совршен спој – овој сос треба да се резервира само за пица и само за пица.“
Но, сите не се согласија со неа. Имаше и такви кои беа воодушевени од ова комбинација.
„Јас сум целосно за слатко-солена комбинација затоа што некој мора да започне тренд. Земете го путерот од кикиритки и желе на пример, на почетокот беше незамисливо, но потоа го освои светот“, рече друга жена.
