Тим истражувачи од државната агенција за храна на Франција откри дека одредени стаклени шишиња содржат повеќе микропластика од другите садови, вклучително и оние направени од пластика.
Ова изненадувачко откритие било откриено во рамки на тестовите спроведени од лабораторијата за безбедност на храната „Ансес“, чии истражувачи ја наведоа бојата на капачињата на шишињата како најверојатен виновник за овој исход.
„Се покажа дека нивото на микропластика е повисоко во стаклените шишиња отколку во другите садови“, соопшти тимот.
Научниците прецизираа дека стаклените шишиња на кола, лимонада, ладен чај и пиво имаат најмалку пет пати поголема количина на честички од пластичните шишиња или лименки.
„Очекувавме спротивен резултат кога го споредувавме нивото на микропластика во различни пијалаци што се продаваат во Франција“, рече Излин Шаиб од Одделот за безбедност на пијалаци во Булоњ-сир-Мер.
Истражувачите сакале да ги утврдат нивоата на микропластична контаминација во пијалаците и да го проценат ефектот на видот на садот или шишето врз количината на контаминација.
Тимот изјави дека не може да утврди никаков здравствен ризик поврзан со количината на пластика пронајдена во шишињата, пренесе ДПА.
Сепак, експертите им советуваа на луѓето да ја намалат количината на пластика во пијалаците со плакнење на капачињата пред да ги вратат на шишето.
Тимот изјави дека за време на истражувањето наишле на траги од пластика во пијалаците, кои се претежно со иста боја и имаат ист состав како и бојата на капачињата.
