Актерката Изабел Ипер се претстави на Канскиот филмски фестивал во ексцентричен стајлинг, потпишан од контроверзната модна куќа Баленсијага. Станува збор за тексас комплет, комбинација од долго здолниште и јакна што ја превртела „наопаку“, односно предната страна од ова парче облека ја носела на грб.
Инаку Џонатан Игет беше задолжен за стајлингот на Изабел за Канскиот фестивал. Тексасот во комбинација со луксузен брош беше најчудниот стајлинг од црвениот килим на овогодишниот Кански фестивал, каде што оваа актерка се претстави и во елегантен фустан и во друг тексас комплет, но далеку пообичен од овој (ќе видите во продолжение).
Поради начинот на кој беше стилизирана, многумина коментираа: „Тоа не е тексас јакна, туку лудачка кошула“.
Тексас здолништето и јакната, како и очилата за сонце што ги носеше Ипер, ги дизајнирала контроверзната шпанска модна куќа „Баленсијага“, а таа е нејзин амбасадор од 2021 година. Актерката остана лојална на брендот дури и по застрашувачките скандали поради промоцијата на детска проституција и порнографија, а самата се најде на една од бројните спорни фотографии.
Потсетуваме рекламните кампањи на Баленсијага со фотографии од деца кои држат играчки со садо-мазохистички детали, судски документи за детска порнографија и истакнување на името на контроверзната белгиска сликарка Мишел Бореманс, меѓу чии дела се и слики од кастрирани деца, ја шокираа јавноста во 2022 година, во вистинска и најсериозна смисла на зборот. Модната куќа се дистанцира од сето тоа и рече дека немала контрола врз она што се случило. Таа го впери прстот во компанијата за продукција на реклами „Норт Сикс Инк.“, како и кон сценографот Николас Де Жарденс и неговиот бренд, но никој не поверува во тоа објаснување.
Во тоа време, на чело на „Баленсијага“ беше Демна Гвасалија како креативен директор, кој во март оваа година ја презеде таа позиција во брендот „Гучи“.
„Баленсијага“ сега има нов креативен директор, тоа е Пјер Паоло Пичоли, соопшти компанијата „Керинг“, која е сопственик на овој бренд. Тој официјално ќе ја преземе функцијата на 10 јули, а во октомври ќе ја претстави првата колекција под покровителство на оваа модна куќа на Модната недела во Париз.
Инаку Пичоли работел како креативен директор на брендот Валентино од 2008 до 2024 година, а со оглед на неговата претходна работа, се верува дека би можел да направи голем пресврт во Баленсијага, па дури и да застане на патот на бизарната мода што модниот бренд ја пласира со години, а што беше особено изразено во времето на Демна.
Како и да е Изабел останува амбасадор на модната куќа, и како што можеме да видиме, таа е голем обожавател на модната ексцентричност, а она што го носеше во Кан потсети на стајлингот на Селин Дион на доделувањето на Оскарите во 1999 година, кога оваа пејачка се појави во одело на Џон Галијано и изгледаше вака.
Ипер за првпат се појави на Канскиот филмски фестивал во седумдесеттите години, а глумеше во повеќе од 20 филмови кои се натпреваруваа за награда на оваа манифестација.
Пред 16 години, таа стана првата претседателка на жирито во историјата на Кан, откако беше членка на жирито во 1984 година. Оваа година таа го промовира филмот „La Femme La Plus Riche Du Monde“, а на премиерата носеше Баленсијага фустан и накит од Де Бирс.
