Следува запирање покрај патот и добро познатата процедура. Паричната казна речиси секогаш е висока, најчесто во евра – токму тие што сте планирале да ги потрошите на ролеркостер во некој забавен парк или на порција морска риба. Сообраќајните знаци обично знаеме да ги толкуваме – ако на бел круг со црвен раб пишува 60, сигурно нема да го протолкуваме како „возете побрзо од 60 км/ч“. Но, во многу европски земји важат сосема необични правила – еве некои од нив, според "Revija HAK".

Необични сообраќајни правила низ Европа

Албанија

Дозволената количина алкохол во крвта е само 0,01 промил – што е практично исто како целосна забрана. Колку е тоа? Отприлика еден голтка пиво или само поглед кон жесток пијалак …

Белорусија, Бугарија, Русија и Романија

Возење со валкан, неизмиен автомобил се казнува.

Бугарија

На еднонасочни улици дозволено е паркирање само од левата страна.

Кипар

Забрането е користење сирена во станбени области и во близина на болници. Исто така, на возачите им е забрането да јадат додека возат. Забрането е и покажување негодување со раце – вклучувајќи среден прст, заканувачко мавтање и останатите богати невербални „арсенали“.

Франција

Забрането е да се носат слушалки во уши – без разлика дали се музички или "Bluetooth". Ако возач од спротивена насока ви „блиндира“ со светлата, тоа не значи дека е љубезен – туку сака прв да помине. Дозволениот алкохол е до 0,02%. Во автомобилот мора да имате алкотест, кој може да се купи на секоја бензинска пумпа.

Грција

Забрането е возење со запалена цигара.

Исланд

Возење по макадам е забрането, освен ако не сте на обележан паркинг.

Германија

Возење пребавно на автопат се казнува. Гестикулирање со закана кон друг возач – 500 евра казна. Додека чекате на железнички премин, мора да го изгасите моторот. Ако останете без гориво на автопат – казна.

Португалија

Забрането е во автомобил да се носи канистер со бензин.

Русија

Забрането е да се земаат автостопери.

Словенија

При возење наназад задолжително е вклучување на сите четири трепкачи.

Шпанија

Ако носите очила за возење, мора да имате и резервен пар во автомобилот – истото важи и за Португалија и Швајцарија.

Швајцарија

Забрането е миење автомобил во недела. Во Женева, Берн … ќе мора да си најдете друго хоби за тој ден.

Уште неколку необични правила од други земји

Данска – Не смеете да го стартувате возилото ако некој се наоѓа под него.

Јапонија – Ќе бидете казнети ако како трезен сопатник патувате со пијан возач.

Швајцарија – Забрането е трескање со вратите од автомобилот, перење на возило и косење трева во недела.

И за крај, Македонија: Дали сте знаеле и дека со-возачот на предното седиште мора да биде трезен?