Група романски автомобилски ентузијасти организираше интересен тест на Карпатите, каде на снежни падини споредија неколку теренски возила.
Тестирани беа: стар „Suzuki Vitara“, „Mitsubishi Pajero Junior“, „Toyota Land Cruiser“ и новата „Dacia Duster“.
„Duster“ беше опремен со 1.2 „TCe“ мотор со 130 коњски сили и зимски гуми „Riken SUV Snow“. На првиот дел од рутата се искачи без никакви проблеми, додека „Pajero Junior“ имаше потешкотии со прилепувањето и мораше да ја коригира траекторијата. „Vitara“ во тој дел се снајде нешто подобро од „Mitsubishi“, додека „Land Cruiser“ немаше посериозни проблеми.
На пострмното искачување работите станаа поинтересни. „Duster“ мораше малку повеќе да се потруди, но успеа да ја совлада пречката. „Pajero Junior“ не успеа да се искачи, делумно и затоа што тестираниот примерок немаше блокада на диференцијал. „Land Cruiser“ и „Vitara“ се искачија, додека „Duster“ имаше потешкотии во кривината за време на искачувањето, но на крајот сепак стигна до врвот.
Единствено „Land Cruiser“ ја совлада пречката целосно без напор.
Интересно е што во еден обид „Vitara“ успеа да го совлада искачувањето благодарение на поголемата брзина, додека „Pajero“ имаше синџири на задната осовина, што значително помогна.
Во длабок снег сите четири возила се движеа без поголеми проблеми. Иако споредбата не е целосно директна поради различните генерации на автомобили и гумите, тестот покажа една важна работа – „Duster“ има многу добри теренски способности, и покрај тоа што нема класичен редуктор ниту блокади на диференцијал како вистинските теренци.
