Туморите на мозокот се во пораст, а луѓето денес сѐ повеќе се соочуваат со оваа опасна болест која се открива на специфичен начин. Таа ги погодува луѓето од сите возрасти, а најчеста грешка што луѓето ја прават е да ги игнорираат првите знаци на болеста, мислејќи дека тоа е само редовна главоболка.

Симптоми кои може да бидат знак за тумор на мозокот

Знаците кои укажуваат на оваа опасна болест може да се манифестираат на различни начини, во зависност од големината на туморот, брзината на неговото ширење и локацијата.

Ако ги почувствувате следните симптоми, задолжително посетете лекар:

• Појавата на нови или нетипични главоболки (или оние што не сте ги имале претходно)

• Главоболките постепено стануваат почести и посилни

• Необјаснето гадење или повраќање

• Проблеми со видот, како што се заматен вид, двоен вид или губење на периферниот вид

• Постепено губење на чувството или движењето во рацете или нозете

• Тешкотии во рамнотежата

• Тешкотии во говорот

• Чувство на хроничен замор

• Конфузија

• Тешкотии во донесувањето одлуки

• Неможност за следење и извршување на едноставни команди

• Промени во личноста или однесувањето

• Чести напади, особено кај луѓе кои претходно не имале

• Проблеми со слухот

• Модринки

Какви видови на примарни тумори на мозокот постојат?

Постојат различни видови: некои се неканцерозни (бенигни), а некои се канцерогени (малигни). Тие можат да бидат примарни (кога се појавуваат во самиот мозок) или метастатски (кога се појавуваат во друг орган и се шират во мозокот).

Примарните тумори на мозокот се јавуваат во самиот мозок или во ткивата блиску до него, како што се мембраните што го покриваат мозокот (менингите), кранијалните нерви, хипофизата или епифизата. Тие започнуваат кога нормалните клетки се менуваат (мутираат) во нивната ДНК. Мутациите „му кажуваат“ на клетките да растат брзо, да се делат и да продолжат да живеат кога здравите клетки ќе умрат. Резултатот е маса од абнормални клетки кои формираат тумор. Кај возрасните, примарните тумори на мозокот се многу поретки од секундарните.

Видови на примарни тумори се:

• Глиобластом (агресивен, со лоша прогноза, започнува во мозокот или 'рбетниот мозок)

• Менингиом (произлегува од мембраните кои го опкружуваат мозокот и 'рбетниот мозок, повеќето се бенигни)

• Акустични невроми (бенигни тумори кои се развиваат на нервите што го контролираат балансот и слухот, од внатрешното уво до мозокот)

• Аденом на хипофизата (се развива во хипофизата, влијае на самата жлезда и на хормоните на хипофизата)

• Медулобластоми (канцерогени тумори на мозокот најчести кај деца, иако можат да се појават на која било возраст; тие започнуваат во долниот дел на мозокот и се шират со лимфом)

• Краниофарингиоми (ретки тумори кои започнуваат во близина на хипофизата).

Како може сите да се откријат?

Дијагностицирањето започнува со преглед и детална историја, а незаменлив дел од процесот е и невролошкиот преглед. Лекарот треба да ја тестира функцијата на кранијалните нерви со испитување на моторната функција на мускулите на лицето, преглед на очите и слично, и да ја оцени состојбата на меморијата, мускулната сила, координацијата, како и способноста за решавање на некои едноставни задачи. Доколку по прегледот постои сомневање за тумор, лекарот може да ве упати на следниве методи:

• КТ (скенер) или МРИ (магнетна резонанца) на мозокот

• Х-зраци на черепот

• Лумбална пункција

• ЕЕГ (електроенцефалограм)

• Ангиографија (гледање на крвните садови во мозокот)

• Биопсија

За жал, туморот на мозокот не може да се види преку тестовите на крвта, и моментално не постојат туморски маркери кои би можеле да укажат на неговото постоење. Третманот за туморите на мозокот зависи од видот, големината и локацијата на туморот, како и од вашето целокупно здравје.

Бидејќи туморите на мозокот можат да се развијат во делови од мозокот кои ги контролираат моторните вештини, говорот, видот и размислувањето, рехабилитацијата е неопходен дел од процесот на закрепнување.