Учесничката на турнирот во мечување Стефани Тарнер беше дисквалификувана од натпреварувањето бидејќи одби да се натпреварува против трансродна противничка, соопшти Американската федерација за мечување.
Инцидентот се случи на регионален турнир во мечување, кога Тарнер реши да ја симне маската и да клекне, наместо да се бори против Редмонд Саливан, трансродна жена, пренесе "ABC News".
По овој чин на протест, судијата ѝ покажа црн картон, со што ја елиминираше од натпреварувањето, кое се одржа на 30 март.
Политиката на федерацијата за трансродни спортисти
Според политиката на Американската федерација за мечување за трансродни и небинарни спортисти, усвоена во 2023 година, учесниците имаат право да се натпреваруваат „на начин што е во согласност со нивниот родов идентитет или изразување, без разлика на полот што им бил доделен при раѓање“.
Од федерацијата изјавија дека дисквалификацијата на Тарнер „не била лична одлука“, туку е донесена затоа што таа одбила да се бори против „доволно квалификувана противничка“.
Stephanie Turner said:
— Jennifer Sey (@JenniferSey) April 3, 2025
"It will probably, at least for a moment, destroy my life.”
Turner knelt to stand up for women's sports.
She's a hero.
Doing the right thing is never wrong.
Share this ad to show her she has our support. pic.twitter.com/S8mCHBzMiD
Преминувањето на Саливан во женскиот тим
Редмонд Саливан во 2024 година премина од машкиот во женскиот тим за мечување на Вагнер колеџ.
„Како жена што се натпреварува во женска категорија, не сметам дека мажите треба да се натпреваруваат во мојата дисциплина. Не знаев дека Саливан е регистриран сè до ноќта пред турнирот. Се молев и одлучив дека, ако морам да се соочам со господинот Саливан, ќе протестирам мирно, клекнувајќи“, изјави Тарнер за "ABC News".
