Новинарите на „Blic Biznis“ го посетија саемот и ги забележаа двата модели кои оваа година привлекоа најголемо внимание – "Bugatti Chiron" и "Maserati GT2 Stradale".

Ова се воедно и двата најскапи модели изложени на саемот оваа година.

Најскапиот автомобил некогаш изложен во Белград

Најскапиот автомобил во историјата на Белградскиот саем за автомобили е "Bugatti Chiron". Неговата максимална брзина е 420 километри на час, а тежи 1.995 килограми.

Се претпоставува дека цената надминува половина милион евра, бидејќи вториот најскап автомобил на саемот е малку под оваа сума.

Карактеристики на Bugatti Chiron:

• Број на цилиндри, гориво: W16, бензин

• Работна зафатнина: 7.993 cm3

• Моќност: 1.500 коњски сили

• Забрзување:

o 0-100 km/h: 2,4 секунди

o 0-200 km/h: 6,1 секунди

o 0-300 km/h: 13,1 секунди

o 0-400 km/h: 32,6 секунди

"Maserati GT2 Stradale" – луксузната ѕвезда на саемот

За љубителите на луксузот, највпечатлив модел оваа година е "Maserati GT2 Stradale". Освен што има уникатна боја, уште поинтересна е неговата цена – 480.000 евра! Тоа го прави еден од најскапите модели на овогодишниот саем.

Кои брендови изложуваат на саемот?

Во халата 1 на Белградскиот саем, посетителите можат да видат автомобили од "Nissan", "Škoda", "MG", "Subaru", "Seat", "Cupra", "Honda", "Toyota", "Opel", "Peugeot", "Suzuki" и други познати брендови.

За првпат во Србија е претставен и "Fiat Grande Panda", кој има за цел да ја зголеми популарноста на електричните возила на тамошниот пазар.

Рекорден број премиери на автомобили

Претседателката на Српската асоцијација на увозници на возила и делови, Александра Ѓурѓевиќ, изјави на отворањето дека ова е историска година за Белградскиот саем.

„На овогодишниот саем, 105 автомобилски брендови претставуваат речиси 180 нови модели. Тоа е рекорд што досега не сме го имале ни приближно“, изјави Ѓурѓевиќ.

Меѓу премиерите има 80 нови модели од 51 бренд, додека 12 брендови на лесни комерцијални возила претставуваат 27 нови модели.