"Nvidia" објави десктоп суперкомпјутер кој интегрира моќни "AI" функции.
Џенсен Хуанг, извршен директор на компанијата "Nvidia", најави суперкомпјутери "DGX Spark" и "DGX Station" на конференцијата "GTC2025".
Првиот увид во "DGX Spark" го имавме почетокот на годината, кога "Nvidia" го најави како "Project Digits". Сега уредот пристигнува како "DGX Spark", а "Nvidia" го нарекува најмалиот светски "AI" суперкомпјутер, кој има цена од 3.000 долари.
NVIDIA DGX Spark. World’s smallest AI supercomputer with 128GB memory pic.twitter.com/rOCjm8ksZ2
— Alex Cheema - e/acc (@alexocheema) March 18, 2025
"DGX Spark" користи "GB10 Grace Blackwell Superchip", кој "Nvidia" го намалила за да се вклопи во куќиште со големина слична на претходната "Mac mini "генерација.
"Nvidia" тврди дека "GB10" може да изврши до 1.000 трилиони операции во секунда со "AI" обработка. Овој компјутер го прави идеален за најновите резонантни "AI" модели, вклучувајќи го и "GR00T N1" роботскиот систем кој исто така го претстави "Nvidia".
За истражувачите и научниците, тука е и моделот со поголема "AI" обработувачка моќ – "DGX Station", кој користи "GB300 Grace Blackwell Ultra Desktop Superchip". Овој чип нуди 20 петарафлопи перформанси и има 784 GB обединета системска меморија.
"Nvidia" сè уште не објавила цена за "DGX Station", но овој суперкомпјутер ќе пристигне подоцна оваа година, а "ASUS", "BOXX", "Dell", "HP", "Lambda" и "Supermicro" ќе ги објават своите верзии на уредот.
