Три тајни документи за имиграцискиот статус на принцот Хари ќе бидат објавени оваа недела, одлучи судијата Карл Николс, назначен од Доналд Трамп. Објавувањето на досиејата се очекува да открие дали војводата од Сасекс, принцот Хари, лажел во неговите документи за имиграција.
Иако не е јасно каков материјал ќе биде објавен, се претпоставува дека станува збор за форми во кои Хари рекол „не“ кога го прашале дали користи или користел дрога.
Prince Harry's visa file to be made public after bombshell ruling by judge amid claims he lied about drug use https://t.co/TUFtanCdSN
— Daily Mail Online (@MailOnline) March 15, 2025
Адвокатите на американското Министерство за домашна безбедност претходно рекоа дека три ставки ќе бидат објавени, со измени, но четвртата мора да остане тајна.
Десничарската фондација Херитиџ минатата година го тужеше министерството откако агенцијата, која ја надгледува имиграцијата во Америка, го одби барањето за слобода на информации во врска со досието на Хари.
Херитиџ тврди дека Хари можеби лажел на формуларите во делот „дали си корисник на дрога“, наведувајќи дека и во неговите мемоари и во неговата серија на Нетфликс зборувал за употреба на канабис, кокаин и магични печурки.
„Не беше многу забавно и не ме израдува особено“, напиша тој за употребата на кокаин, а потоа додаде:
„Но, кокаинот ме натера да се чувствувам поинаку, а тоа беше главната цел“.
Newspapers reporting harrys drug taking in 2002.
— Moonstar 🐳 (@meandmyopinions) February 6, 2025
Why, if he lied on his visa, wasn't his visa declined at the time? He has lived a very public life, this is in the public domain.
There's nothing to reveal.
What a waste of public funding this whole court thing is. pic.twitter.com/lFLjJd0hI7
Во септември, судијата Карл Николс го одби барањето на Херитиџ да ги објави сите документи, но тие повторно го побараа и судијата одлучи да го уважи нивното барање.
Сепак, тој нагласи дека не сака да го открие имиграцискиот статус на Хари, поради што многумина го повикаа Трамп да го објави досието.
Инаку, кога странците добиваат американски визи, на формуларот за имиграција се прашуваат за каква било историја на употреба на дрога или прекршоци поврзани со дрога.
Претходната употреба на дрога може да се смета за основа за одбивање на барање за виза за Соединетите држави.
Ова доведе до прашања за тоа што одговори Хари на формуларот.
Одделот за домашна безбедност има рок до крајот на вторник (по локално време) да ја исполни наредбата на федералниот судија за објавување на досиејата за имиграција на Хари.
„На владата и е наредено да ги објави преработените верзии на овие документи најдоцна до 18 март 2025 година“, пресуди судијата Николс.
Во март минатата година, во интервју со британскиот политичар Најџел Фараж, Трамп рече дека на Хари не треба да му се дава посебен третман и дека „ќе бидат преземени соодветни мерки доколку, всушност, лажел на официјалните документи“.
Но, во февруари, како претседател, тој изјави дека нема да бара Хари да биде протеран од земјата.
„Не сакам да го направам тоа. Ќе го оставам на мир. Има доволно проблеми со сопругата. Таа е ужасна“, истакна Трамп.
