Неодамнешната анализа на компанијата „Overnight Glasses“ покажала дека исхраната богата со одредени намирници, од кои некои ги консумираме речиси секојдневно, може да го зголеми ризикот од AMD и други проблеми со мрежницата.

Белиот леб има висок гликемиски индекс (GI 70) и висока содржина на натриум (490 милиграми на 100 грама), што може да го зголеми ризикот од AMD. Слично на тоа, пржените компири (GI 75), кои се богати со масти и сол, поврзани се со зголемена инциденца на тежок облик на AMD.

„Честото консумирање на оваа храна може да придонесе за проблеми со видот“

Покрај белиот леб и пржените компири, процесираните парчиња кашкавал содржат големи количини натриум (околу 1.265 милиграми на 100 грама), што може да придонесе за висок крвен притисок и хипертензивна ретинопатија, состојба која ги оштетува крвните садови на мрежницата, пренесе Дејли Експрес.

Слично на тоа, сланината, која спаѓа меѓу најсолените преработени меса, може да ги ослаби артериите на мрежницата и да доведе до заматен или оштетен вид на долг рок.

Исто така, иако често се сметаат за здрава опција, оризовите галети имаат исклучително висок гликемиски индекс, дури и повисок од белиот шеќер. Ненадејните скокови на шеќерот во крвта можат да ги оштетат крвните садови на мрежницата на долг рок, зголемувајќи го ризикот од дијабетична ретинопатија и AMD, особено кај лицата со дијабетес.

Гидон Садовски, основач на „Overnight Glasses“, советува умереност и додаде: „Повременото консумирање на овие намирници веројатно нема да предизвика непосредна штета, но долгорочното, честото консумирање може да придонесе за проблеми со видот. Урамнотежената исхрана богата со овошје, зеленчук и целовити зрна е од суштинско значење за здравјето на очите“.