Изборот на Трамп за нов претседател на САД и неговото вклучување на технолошкиот магнат (и сопственик на платформата X) во неговата администрација имаа влијание и врз пазарот на социјални мрежи. Откако Маск го презеде тогашниот "Twitter", многумина најавија дека ќе ја напуштат оваа мрежа, а дел од корисниците тоа навистина и го направија. Нов бран на таканаречените „Twitter quitter-и“ (корисници кои ја напуштаат мрежата) следеше по поддршката на Маск за Трамп.

Според претходните податоци на "Forbes", во септември минатата година, платформата X имала 588 милиони глобални корисници, што е пад во однос на 611 милиони во април истата година, а трендот на намалување продолжил и понатаму.

"Threads" останува најголем конкурент

Неколку компании се обидоа да ја искористат ситуацијата на пазарот на социјални мрежи, но досега најголем успех постигна Закерберг со својата платформа "Threads" – главен конкурент на "X". За кратко време, "Threads" успеа да привлече огромен број корисници, а според последните податоци, таа бројка сега изнесува околу 275 милиони дневно активни корисници.

"Bluesky" бележи огромен раст по изборите

Друга социјална мрежа која брзо ја зголемува својата популарност е "Bluesky". Она што ја прави оваа платформа особено интересна е фактот дека настанала внатре во "Twitter", додека Џек Дорси сè уште бил на чело на компанијата.

Популарноста на "Bluesky" почнала да расте по аквизицијата на "Twitter" од страна на Маск, но најголем скок се случил по американските претседателски избори. Од тогаш до денес, бројот на корисници пораснал за околу 15 милиони, достигнувајќи 32 милиони. Интересно е тоа што многу нови корисници, во своите први објави, ги спомнале изборите во САД, што укажува дека Трамп и Маск се главната причина зошто решиле да ја користат оваа алтернатива.

Во септември минатата година, "Bluesky" имал само 9 милиони корисници, а неодамна платформата ја доби првата корисничка со повеќе од еден милион следбеници – американската политичарка Александрија Окасио-Кортез, чиј број на следбеници сега се приближува до 2 милиони.

Може ли "Bluesky" да стане вистински конкурент?

Иако во споредба со "X" и "Threads", "Bluesky" сè уште има значително помал број корисници, неговата популарност постојано расте. Останува да видиме колку брзо ќе продолжи тој тренд и дали во иднина ќе може навистина да им се закани на поголемите платформи.