Како и повеќето модерни премиум телефони, "S25 Edge" доаѓа во елегантна сребрена боја и има исклучително тенок профил. За разлика од стандардните модели "S25", кои располагаат со тројна камера, "Edge" верзијата има само два сензори на задната страна. Според гласините, дебелината на уредот изнесува само 6,4 милиметри, што го прави значително потенок од стандардниот "Galaxy S25", кој има дебелина од 7,2 милиметри.

Претставниците на Samsung не сакаа да откријат прецизни спецификации, наведувајќи дека станува збор за прототип чиј дизајн и карактеристики може да се променат пред официјалното лансирање.

Сепак, уредот е потенок дури и од новиот "Fold6" кога е отворен, што зборува многу за неговата конструкција.

Тенкиот профил предизвикува огромен интерес

Иако информациите за "Galaxy S25 Edge" се сè уште ограничени, интересот кај технолошките ентузијасти е огромен. Просторот околу уредот на штандот на "Samsung" беше преполн со посетители кои сакаа да го видат моделот одблиску, што потврдува дека овој ултра-тенок телефон привлекува големо внимание.

Иако разликата од 0,8 милиметри помеѓу стандардниот "S25" и "Edge" моделот можеби изгледа мала, во светот на премиум паметните телефони, овој податок претставува значаен инженерски подвиг и потенцијално нов стандард во индустријата. Корисниците кои го ценат елегантниот и минималистички дизајн, сигурно ќе бидат импресионирани од овој тенок профил.

Камерата е приспособена на тенкиот дизајн

Намалувањето на бројот на камери од три на два сензори веројатно е направен компромис за да се постигне извонредно тенкиот профил на уредот. Иако "Samsung" сè уште не ги откри спецификациите на камерите, се очекува дека дури и со намален број на сензори, "S25 Edge" ќе понуди врвни фотографски можности, типични за "Galaxy S" серијата.

Што носи ултра-тенкиот дизајн?

Останува да видиме дали овој ултра-тенок дизајн ќе влијае на капацитетот на батеријата или други функционалности, бидејќи тоа се вообичаени предизвици кај екстремно тенките уреди.

Најверојатно, "Samsung" користи напредни технологии за пакување на компонентите, за да постигне рамнотежа помеѓу естетиката и перформансите.