Нејмар мораше да почека извесно време на својата прва победа во Сантош, но сега во краток временски интервал се израдува на третата во низа, и тоа во натпревар во кој поранешниот играч на Барселона и ПСЖ беше во центарот на вниманието.
Легендарниот Бразилец покажа дека може да биде убиствен без да прави разлика со дриблинзи и атрактивни потези, бидејќи рано утрово се покажа како немилосрден од аголот.
Maaaaaaadre mía, Neymar 😮😮😮pic.twitter.com/UhplvX4Zsx
— MARCA (@marca) February 23, 2025
Сантош постигна три голови по три корнери кои ги изведе Нејмар, а еден заврши директно во голот по маестралниот удар на напаѓачот.
Неј двапати асистираше до Тикињо Соареш, но хајлајт на денот во Бразил е неговиот олимписки гол директно од корнер, кој навистина беше спектакуларен.
Сантош на овој начин стигна до третата победа во низа во Паулиста шампионатот, па сега се искачи на шестата позиција.
