Фудбалерот на Интер Мајами беше стрелец на првиот од двата гола за својот тим во победата на гостувањето кај Атланта Јунајтед со резултат 2:1.

Домашниот тим прв дојде во водство во 11. минута, кога Емануел Лате-Лат, поранешен играч на Мидлзборо, успеа да ја затресе мрежата.

Но, само неколку минути подоцна, Меси одговори со мајсторски погодок.

Магијата на Меси – клучен момент на натпреварот

Во 20. минута, „десетката“ на Интер му одзеде топка на противникот на работ на шеснаесетникот, потоа со фантастична финта го исфрли од игра Дерик Вилијамс, стоперот на Атланта.

Голманот Бред Гузан истрча напред за да му го скрати аголот, но Меси ја предвиде неговата реакција и умешно ја „боцна“ топката преку него, испраќајќи ја во мрежата.

Ова беше првиот гол на Меси во новата сезона, во четвртото коло на "MLS" шампионатот, а покрај тоа, тој веќе запиша две асистенции.

Победа за Интер Мајами во самиот финиш

Победничкиот погодок за тимот од Флорида пристигна во 89. минута, кога Жорди Алба го проигра Фафу, кој со прецизен удар го постави конечниот резултат 2:1.

По четири одиграни кола, Интер Мајами е прв на табелата со три победи и еден нерешен натпревар.