Само неколку дена подоцна, на 20 февруари, пејачката Грејси Абрамс се приклучи на проектот со песната „Call Me When You Break Up“, за која беше објавен и видеозапис. Музичкото видео започнува со сцени на Гомез како пее плејбек, потсетувајќи се на поранешната љубов која сега има нова врска. Една минута подоцна, покрај неа се појавува Абрамс, која се придружува на песната и изразува чувства на емоционална исцрпеност, копнеж и надеж дека нејзиниот поранешен повторно ќе биде слободен. Пејачките се зближуваат, заедно го пеат рефренот и се забавуваат. Бланко се појавува при крајот, смеејќи се со нив.

„Буџетот очигледно бил 50 центи“

Интернетот брзо реагираше на соработката, но мислењата беа поделени. Додека некои обожаватели се воодушевени од едноставниот и лежерен стил на видеото, други сметаа дека форматот повеќе наликува на содржина на ТикТок отколку на класично музичко видео.

На социјалните мрежи се појавија коментари кои го доведуваат во прашање квалитетот на продукцијата. Еден корисник на „X“ платформа саркастично праша: „Ова е музичко видео?“, додека друг досетливо забележал: „Буџетот им бил очигледно 50 центи …“. Некои сугерираа дека видеото би функционирало подобро како текстуално видео, забележувајќи дека можеби тоа би барало помалку труд.

„Визуелниот стил е сè“

Меѓутоа, постојат и такви кои се воодушевени од вертикалниот видео формат, популаризиран преку ТикТок и слични платформи. „Вертикалните видеа се враќаат во мода! напишал еден корисник, додека друг истакнал: „Визуелниот стил е сè! Го обожувам вајбот!“. Освен самата продукција, внимание привлекол и изгледот на Гомез и Абрамс. Многумина забележале дека изгледаат многу младешки. „Тие се премногу слатки, не можам!“, коментирал извесен фан. Други го пофалиле нивниот природен и едноставен стил, кој одлично се вклопил со атмосферата на песната.