Пиењето чаша сок од морков на празен стомак не само што обезбедува инстант хранливи материи, туку и носи долготрајни здравствени придобивки. Овој пијалок е популарен поради својот позитивен ефект на видот и имунолошкиот систем, но кога се пие на празен стомак, ефектите се уште позначајни.

Како што објаснува нутриционистот Поја Синг, сокот од морков е полн со есенцијални хранливи материи, вклучувајќи бета-каротен, витамин А, калиум и антиоксиданси. Овие состојки се лесно достапни за телото во форма на сок, што го прави идеален за утринска консумација.

Придобивки од пиење сок од морков на празен стомак:

1. Подобрување на апсорпцијата на хранливи материи:

Пиењето сок од морков на празен стомак овозможува подобра апсорпција на хранливите материи, бидејќи стомакот е подготвен да ги искористи без да има друга храна што може да влијае на процесот.

2. Полесно варење:

Сокот од морков делува како природен детоксификатор и помага во балансирање на pH нивоата во стомакот, што го прави варењето поефикасно. Покрај тоа, го поттикнува лачењето на желудечниот сок, што е одличен начин за почеток на денот.

3. Подобар тен:

Со високи нивоа на витамин А и антиоксиданси, сокот од морков помага во борбата против слободните радикали кои можат да ја оштетат кожата. Пиењето сок на празен стомак ја подобрува регенерацијата на кожата и го враќа сјајот.

4. Помага при слабеење:

Сокот од морков е низок на калории, но богат со влакна, што го продолжува чувството на ситост. Чаша сок наутро ќе ви помогне да го контролирате апетитот и да избегнете грицкање во текот на денот.

5. Здравје на очите:

Бета-каротенот во морковите се претвора во витамин А во телото, што е клучно за здравјето на очите. Овој сок е одличен извор на есенцијални хранливи материи за одржување на добар вид.

Како да подготвите сок од морков за максимални придобивки?

За да извлечете максимум од сокот од морков, нутриционистите препорачуваат да користите свеж и органски зеленчук. Избегнувајте додавање шеќер или вештачки засладувачи. Наместо тоа, подобрете го вкусот со малку ѓумбир, лимон или цимет.

Рецепт:

• 3-4 свежи моркови

• Мало парче ѓумбир

• Половина лимон

• Малку цимет (по избор)

Измијте и излупете ги морковите, изблендирајте ги со малку вода и процедете ги. Додадете ѓумбир и лимон по вкус и по желба, посипете со цимет.

Овој рецепт е едноставен и брз начин да ја започнете денот со здрави навики!