Баерн Минхен се оддалечи од директен пласман во осминафиналето во Лигата на шампионите и повеќе не зависи сам од себе, пред се поради неочекуваниот и шокантен пораз кој го претрпе тимот на Венсан Компани на гостувањето во Ротердам.
Играчите на Феенорд се погрижија за фешта на „Де Кујп“ со трите погодоци во мрежата на Мануен Нојер, а колку домаќините беа ефикасени најдобри говори податокот кој вели дека Холанѓаните имаат само три директни удари во рамките на голот.
Феенорд успеа да оствари огромна победа со 20 проценти посед на топката, што доволно алудира на тоа дека бројките и статистиките понекогаш знаат да бидат комплетно неважни во фудбалот.
– Морам да бидам искрен и да порачам дека Феенорд заслужи да победи. Се бореа машки и трчаа на секој дел од теренот. Ние создадовме многу шанси, чувствував дека ќе постигнеме гол, а можевме да дадеме два или повеќе. Не го направивме тоа, а Феенорд беше како казнена експедиција.
– Го искористија својот момент и беа максимално ефикасни. Ние не бевме доволно добри и најдобра работа е што брзо имаме натпревар во Бундеслигата, на кој ќе можеме да прикажеме едно друго лице. Не бевме изненадени од играта на Феенорд, научени сме да играме против вакви тимови кои играат ниско во одбрана, но овојпат не најдовме решение во нападот, – изјави Компани.
