Нигерискиот напаѓач и член на Баер Леверкузен, Виктор Бонифас ја раскина четиригодишната врска со својата девојка од Норвешка, Рике Хермине, по несогласување околу условите за брак.
Според извори блиски до парот, главната спорна точка било инсистирањето на Хермине на законит брак без предбрачен договор.
Предбрачниот договор е правно обврзувачки договор кој ја регулира сопственоста на имотот и финансиите во случај на развод или смрт.
Извештаите сугерираат дека Бонифас не сакал да ја продолжи врската без таков договор, наведувајќи ја потребата од заштита на неговата финансиска иднина и избегнување на потенцијалните правни или финансиски стапици.
Хермине, која го поддржа Бонифас во текот на неговиот подем во кариерата, наводно смета дека непостоењето на предбрачен договор претставува гест на доверба и посветеност.
Меѓутоа, парот не успеал да најде заеднички јазик околу ова прашање, што доведе до раскинување на нивната врска.
На само 24 годишна возраст, Бонифас стана еден од најбараните напаѓачи во Европа откако минатата сезона го предводеше Леверкузен до освојувањето на титулата во германската лига, а оваа сезона игра во добра форма и постигна осум голови на 15 натпревари во сите натпреварувања.
Претходно тој играше за Реал Сафир, Лефке, Бодо/Глимт и Унион СГ, од каде дојде во Германија во 2023 година, а моментално вреди 45 милиони евра.
