Подоцна, извори блиски до нив изјавија дека Софија „толку била занесена во разговорот што едвај ја допрела нејзината храна“. Иако за време на ручекот им се придружувале и пријателите, според изворот, Софија и Луис „изгледале маѓепсани и цело време се смешкале еден на друг“.

Тие се разведоа во 2023 година по седум години брак

Потсетуваме, во октомври 2023 година, Софија се разведе од Џо Манганиело, со кого беше во брак седум години. Три месеци по разводот почнаа да кружат гласини за нејзината врска со докторот Џастин Салиман. Тие неколку пати беа видени заедно, а Софија во неколку наврати објавуваше негова фотографија на Инстаграм.

Таа во август изјави дека ужива во животот со него и дека е исклучително благодарна на луѓето околу неа. Таа во април се огласи по операцијата на коленото. „Ако некогаш ви треба голема операција на коленото, погрижете се да имате згоден лекар кој ќе остане со вас таа вечер“, напиша таа покрај фотографијата на нејзиниот насмеан партнер кој стоеше покрај нејзиниот кревет во сина униформа. „Те сакам, д-р Салиман“, додаде таа со емотикони на срце.

Но, на крајот од октомври 2024 година, таа откри дека тие двајца повеќе не се заедно. „Всушност, вчера зборував за тоа бидејќи сега сум сингл“, изјави таа за „Us Weekly“, но не ги откри деталите за нивното раскинување.