"Lenovo" го претстави уникатниот лаптоп "ThinkBook Plus Gen 6" на саемот за електроника "CES 2025" во Лас Вегас.
Станува збор за лаптоп со "OLED" екран кој се шири, односно се издолжува нагоре со притискање на копче, менувајќи ги неговите карактеристики.
На прв поглед, тоа е релативно скромен лаптоп со дијагонала од 14 инчи и резолуција од 2000×1600 пиксели, но со притискање на копче или кревање рака кон веб камерата се активираат моторите вградени во шарката на лаптопот, па екранот се крева и се зголемува во рок од 10 секунди.
Зголемениот екран има проширена резолуција од 2000 × 2350 пиксели и дијагонала од 16,7 инчи, пренесува порталот "The Verge".
Новиот лаптоп ќе биде достапен од јуни, по цена од огромни 3.500 долари, но рецензентот на споменатиот портак вели дека „ја сака неговата необичноста“ и фактот дека клиентите наскоро ќе можат да добијат нешто толку уникатно за секојдневните задачи како работа на екстремно високи маси или за гледање два филма истовремено во класичен формат 16:9.
За овој уред, како и за некои други необични производи претставени на "CES 2025", пишувавме во посебна статија, која можете да ја прочитате тука.
