Украинскиот боксер Олександр Усик (37) откри дека носи лажен часовник Ролекс само неколку дена откако го победи Тајсон Фјури по втор пат.
Усик го победи Фјури (36) во Саудиска Арабија во саботата и на тој начин ги задржа шампионските титули во WBO, WBA и WBC.
Според Правда, непоразениот тешкаш заработил неверојатни 86 милиони долари откако ја продолжи својата совршена победничка серија на 23 борби.
Меѓутоа, украинската мегаѕвезда очигледно не сака да ја троши својата огромна заработка на скапи модни додатоци.
Усик тоа го докажа со купувањето на лажен Ролекс на плажа во Турција додека се подготвувал за блокбастер реваншот со Фјури.
Тој се одлучил за лажна верзија бидејќи знаел дека никој нема да се осмели да ја доведе во прашање автентичноста на часовникот со оглед на неговото богатство стекнато во текот на боксерската кариера победувајќи ги другите боксерски ѕвезди како Ентони Џошуа.
😂⌚️ Oleksandr Usyk admits wearing a chinese copy of Rolex that he bought for $100 in Turkey. pic.twitter.com/mUdO9t0Asa
— Home of Fight (@Home_of_Fight) December 25, 2024
„Малку се фалев и на камерманот му го покажав мојот часовник. Тоа е кинески Ролекс. Бев во Турција на подготовки и видов момци како продаваат Ролекси на плажа. Мислев дека ако го купам, никој нема да погоди дека е лажен, па така го купив за 100 долари“, изјави Усик за Јунајтед44.
Од друга страна, Фјури го напушти Ријад со околу 70 милиони долари откако загуби со едногласна судска одлука.
