Музичарот и фотограф Џулијан Ленон (61), син на легендарниот Џон Ленон, откри дека итно бил пренесен во болница откако лекарот му открил рак на кожата при рутински преглед, пренесуваат странските медиуми.
мено, на социјалната мрежа Икс, Џулијан ја сподели состојбата на своето тело по операцијата, предупредувајќи ги обожавателите на „вознемирувачки фотографии“ од неговите лузни.
Пред неколку години, пред да отпатува за Њујорк, Џулијан отишол кај дерматолог во Лос Анџелес, кој му дијагностицирал рак на кожата.
„Пред да летам за Њујорк, отидов, како и обично, кај мојот драг дерматолог, кој ми го откри и оперира ракот на кожата пред неколку години. Таа буквално ми го спаси животот“, започнал тој.
Меѓутоа, откако ги завршил обврските во Њујорк, дерматологот итно го повикал да се врати во Лос Анџелес бидејќи на неговата кожа открила две сомнителни места – една на рамото и една на подлактицата. Еден од нив бил меланом, за кој била потребна итна операција.
„Значи, наместо да одам дома да ја поставам мојата елка и среќно да ја завршам годината релаксирајќи се дома, веднаш одлетав назад во Лос Анџелес, откако заврши целата моја работа во Њујорк, и отидов директно од аеродромот на операција, со хирург препорачан од дерматолог Потроши неколку часа на операција, надевајќи се дека на крајот на денот ќе бидам излечен од рак“, додал тој.
„Операцијата беше успешна, но сè уште ги чекаме резултатите од биопсијата, кои можеби нема да ги добиеме пред Божиќ“, заклучи музичарот и им порача на сите редовно да одат на прегледи.
Во коментарите неговите обожаватели му посакаа брзо закрепнување и му се заблагодарија што ја подигна свеста за ракот на кожата.
„Можеби спасивте уште еден живот. Среќен Божиќ на еден од моите омилени уметници на сите времиња“, напиша еден фан.
