ФСБ објави видео од сослушувањето на Узбекистанецот осомничен за убиството на рускиот генерал Кирилов.
На руските социјални мрежи се појави видео од Узбекистанец осомничен за ликвидација на генерал-полковник Игор Кирилов, шеф на нуклеарната заштита, биолошката и хемиската одбрана на силите на Русија, кој вчера беше разнесен со експлозив пред зграда во Москва.
‼️ BREAKING: Russian FSB published a video of the interrogation of 29-year-old Uzbek citizen Kurbonov Akhmajon Alijon Ugly. He is suspected of killing General Kirillov yesterday in Moscow
— NEXTA (@nexta_tv) December 18, 2024
As NEXTA previously reported, Igor Kirillov, head of the Russian Radiation, Chemical and… pic.twitter.com/VVjxo4C75i
Според каналот Шот на Телеграм, името на осомничениот е Ахмад Курбанов (29).
Се појави видео од сослушувањето на Курбанов од руската Федерална служба за безбедност (ФСБ) на кое тој признава дека постапил по инструкциите на украинските безбедносни служби, за што му ветиле 100.000 долари и живот во ЕУ.
Курбанов ја активирал експлозивната направа поставена во електричниот скутер во моментот кога Кирилов ја напуштил зградата на булеварот Рјазански.
Кирилов бил кренат во воздух во 6:12 часот, а украинските служби наводно се гледале преку пренос во живо.
Според информациите од социјалните мрежи, Курбанов не бил првпат во Москва.
Тој веќе престојувал во руската престолнина во 2015 година, кога дошол таму од Узбекистан да работи во чајџилница.
