Неодамна соборениот сириски лидер Башар ал Асад ја даде својата прва изјава по падот на неговиот режим и неговото бегство во Русија.
Во објава на социјалните мрежи, тој тврди дека планирал да продолжи да се бори со бунтовничките сили пред Русија да го евакуира. Тоа го објави на својот канал Телеграм, пренесува "Jutarnji list".
Во гореспоменатото соопштение се наведува дека тој побегнал од Дамаск во Русија на 8 декември, ден по падот на градот и се додава:
„Во ниту еден момент од последните настани не помислив да се повлечам од власт или да бегам. Единствениот начин на дејствување беше борбата против терористите“, напиша тој.
A statement attributed to Syria’s deposed leader Bashar al-Assad and posted on a Telegram channel maintained by the Syrian presidency claims he only left Syria on the night of December 8, nearly a full day after he was reported to have fled.
— CYNN (@CYNN_Official) December 16, 2024
The comment, dated December 16 and… pic.twitter.com/cTnloOQfFm
Ал Асад тврди дека бил во Дамаск и ги извршувал своите должности додека бунтовничките сили не влегле во градот и дури тогаш, пишува тој, бил префрлен во руската база во Латакија во координација со руските сили.
Но, бидејќи неговата армија изгуби територија од бунтовниците, воздушната база каде што беше стациониран брзо беше под напад со беспилотни летала, рече тој.
„Москва побара командата на базата да организира евакуација во Русија без одлагање“, додаде Ал Асад.
Тој во соопштението наведе и дека наскоро ќе даде „детален извештај за настаните што се случија“ кога ќе има време за тоа.
Според него, Сирија сега е „во рацете на терористите“, пренесува Бета.
На крајот напиша дека се надева дека еден ден Сирија повторно ќе биде слободна и независна.
Ал Асад го напушти сирискиот главен град по брзата офанзива на антирежимските сили низ Сирија, која стави крај на неговото 24-годишно владеење.
Во првите денови по падот на Дамаск, не се знаеше каде се наоѓаат Ал Асад и неговото семејство.
