Трилер серијата "Squid Game" имаше премиера во 2021 година и не требаше долго да стане најгледаната во историјата на услугата за стриминг. Серијата моментално има повеќе од 265 милиони прегледи.

Покрај тоа што постигна одлични рејтинзи, првата сезона на "Squid Game" беше номинирана за 17 Еми награди и освои шест.

Како и во првата сезона, креаторот на серијата Хванг Донг-Хјук ги режираше новите епизоди и работеше како извршен продуцент заедно со Ким Џи-јеон, пренесува "Index".

За што се работи во новата сезона?

Три години откако победи во "Squid Game" и стана милионер, играчот 456 (Ли Јунг-јае) се враќа за да им се спротивстави на луѓето зад смртоносната игра кои ги демнат најочајните членови на општеството. За да успее во својата идеја, играчот 456 мора уште еднаш да учествува во опасна игра и да ги убеди другите натпреварувачи да се побунат.

Заедно со Ли Јунг-џае, Ви Ха-џун и Ли Бјунг-Хун се враќаат во втората сезона. Ним им се придружуваат познатите корејски актери Им Си-ван, Канг Ха-неул, Џо Јо-ри и Чои Сеунг-Хјун.

Втората сезона на "Squid Game" ќе има премиера на 26 декември оваа година. "Netflix" неодамна потврди дека серијата ќе добие трета сезона, која ќе излезе следната година и ќе ја заокружи целата приказна.