Отворањето на кафуле во Скопје е потенцијално привлечна инвестиција, бидејќи овој град е познат по својата богата кафе култура и постојана побарувачка за нови и иновативни места за социјализација.
Сепак, она што се чини како едноставен бизнис модел може да се покаже како комплициран предизвик за новите, но и за веќе постојните сопственици на кафулиња.
Проблемите со регулативите, опремата и просторните дозволи се само дел од она со кое се соочуваат, но најголемиот проблем, според многумина, е пронаоѓањето и задржувањето на квалификуван и мотивиран персонал.
Во центарот на Скопје, во едно од поактуелните кафулиња, сопственикот ни раскажа за неговото искуство со менаџирањето на кафулето.
„Отворањето кафуле изгледаше како одлична инвестиција, особено со оглед на големиот број туристи и локални посетители кои доаѓаат во центарот на градот. Но, во реалноста, наоѓањето квалитетен персонал е вистински предизвик. Многу млади кои се пријавуваат немаат соодветно искуство или, едноставно, им недостига мотивација за сериозен пристап кон работата. Тоа се одразува врз квалитетот на услугата, а со тоа и врз задоволството на гостите“, објаснува тој, додавајќи дека честопати е принуден да вработува студенти кои работат привремено и постојано ротираат, што му ја отежнува можноста да изгради тим.
Од друга страна, Наташа Андреевска, келнерка од Битола која работи привремено во едно кафуле во Карпош, има поинаква перспектива.
„Работата во кафуле може да биде и напорна и наградувачка, но тука се бара многу трпение и вештина. Овде сум веќе три месеци и забележувам дека во Скопје, посебно во ваквите подинамични кафулиња, има повеќе побарувачка за брз и професионален пристап, но и подобри бакшиши отколку што би добивала во Битола. Меѓутоа, проблем е што младите луѓе често ја гледаат оваа работа како привремена, па не вложуваат труд да се усовршат“, вели таа, додавајќи дека сепак, ваквото искуство ѝ помогнало да научи многу за односот кон клиентите и за управувањето со стресни ситуации.
Остатокот од текстот можете да го прочитате ТУКА.
