Првата фаза од испитувањето во кое учествуваа 72 учесници била осмислена да ја процени безбедноста на пилулата и подносливоста на пациентот, како што е вообичаено во најраните фази на клиничките испитувања.

Во испитувањето учествувале здрави, не-дебели волонтери или пациенти со дијабетес тип 2.

Добрите резултати од испитувањето ја поттикнаа "AstraZeneca" да го воведе лекот во втората фаза на клиничките испитувања, рече на прес-конференција Шерон Бар, извршен потпретседател за биофармацевтско истражување и развој на компанијата. Таа ги претстави податоците пред да бидат претставени на конференцијата "ObesityWeek" во Сан Антонио, Тексас.

Испитувањето треба да заврши до крајот на 2025 година

Една фаза од испитувањето на лекот, наречена "AZD5004", ќе се фокусира на намалување на просечната телесна тежина кај учесниците со прекумена тежина и се очекува да биде завршена до крајот на 2025 година, рече Бар.

Кога "AstraZeneca" пред една година објави дека дозволила експериментална пилула за дебелина од "Eccogene" за 2 милијарди долари, од компанијата рекоа дека веруваат дека терапијата може да предизвика помалку несакани ефекти од сегашните терапии со инјектирање, како што се "Zepbound" на компанијата "Eli Lilly" и "Wegovy" на "Novo Nordisk".

Меѓу овие несакани ефекти се гадење и повраќање, во зависност од дозата, потсети Бар на брифингот, додавајќи дека не биле пријавени сериозни несакани ефекти за време на клиничките испитувања на лековите на "AstraZeneca".

Извршниот директор на "AstraZeneca", Паскал Сориот, рече дека компанијата е оптимист за ефикасноста на пилулата.

Поповолни од другите

Експерименталната пилула за слабеење на оваа компанија е поповолна во споредба со другите во клиничкото испитување на конкурентските компании бидејќи е лек кој се користи во таргетирана терапија и спаѓа во групата на таканаречени лекови со мали молекули или моноклонални антитела.

Нивната предност е што овие лекови се доволно мали за да влезат во клетката без многу потешкотии, па затоа првенствено се користат за „таргетирање“ на цели внатре во клетката и можат да се комбинираат со други лекови со мали молекули. Тие доаѓаат во форма на таблети или капсули, рече Бар, истакнувајќи дека „тоа е многу важно“ со оглед на фактот дека повеќе од 60 проценти од луѓето со прекумерна тежина имаат барем уште еден коморбидитет.