„Очигледно е дека тоа се случи бидејќи Белингем и Карвахал се меѓу првите пет. На Винисиус чисто математички му пресудија соиграчите бидејќи му земаа поени. Причина за тоа е последната сезона на Реал, поради која гласачите ги поделија гласовите помеѓу тројца или четворица играчи на тој клуб, што на крајот му наштети на Винисиус, а Родри профитираше од тоа“.

Многумина го критикуваат Винисиус за неговото однесување на теренот

Треба да се исполнат три критериуми за да се добие наградата. Првиот се базира на индивидуалните перформанси и на тоа колку поединецот е импресивен во најважните моменти. Вториот критериум се тимските достигнувања, а третиот се однесува на однесувањето на теренот и фер-плејот. Винисиус често е критикуван за неговото однесување кон противниците и противничките навивачи.

Видеото од неговото однесување веќе се рашири на социјалните мрежи, а сега се појави ново на кое се гледа разликата помеѓу освојувачот на Златната топка на Реал, Лука Модриќ (2018) и Винисиус, кој сè уште ја нема освоено.

„Почитта треба да се заслужи“, стои во описот на видеото на кое се гледа како Модриќ ја прифаќа топката од противникот, а како Винисиус го прави тоа.